Árbók Ferðafélags Íslands árið 1981 var helguð Ódáðahrauni, hrjóstrugt landsvæði brunasanda og hrauna, en sömuleiðis gróðurvinja norðvestan við Vatnajökul. Hringið í eldri ættingja og spyrjið um tjaldferðir í Herðubreiðalindir, Öskjugos og sögur af hættuförum. Hvert ferðuðust afi og amma, pabbi og mamma, ef ekki til Spánar! Kórónulestur hvetur til samtala í símtölum meðan á Covid 19 stendur :)
Hlekkur á heimasíðu Ferðafélags Íslands
Árið 1903, hóf Sigfús Blöndal ásamt konu sinni, Björg Þórláksdóttur Blöndal, vinnu við gerð íslensk danskrar orðabókar. Verkið tók 21 ár að ljúka, í samstarfi við ýmsa samstarfsmenn. Þrautseigja, þolimæði og vinnusemi skiluðu þjóðinni miklum auð í formi ítarlegustu orðabókar sem tekin hafði verið saman. Spurning að hringja í eldri ættingja og spjalla um tungumálið, orðabækur, langdregin verkefni, samstarf eða hvað sem að lesturinn vekur upp í huga ykkar.
Upplýsingar um tilurð orðabókarinnar, ásamt slóð á formálann í heild sinni, má finna á vef Árnastofnunar
Fjórði kórónulestur er áframhald eldrauðrar ádeilu frá upphafi fjórða áratugar síðustu aldar. Kommúnistar vega hart að hefðbundnum óvini, auðvaldinu, en einna helst yfirvöldum og kóngi, sem með fátækralögum eru talin kúga fátækan lýð landsins. Lesturinn varpar upp hugmyndinni um hvort að áherslur og málfar liðinna alda eigi sér nútímabirtingarmynd. Hringið í eldri ættingja og spyrjið um þeirra upplifun á því hver hafi verið málsvari fátæklinga áður fyrr, hvort þau hafi upplifað þessa róttæku togstreitu sem kommúnisminn einfaldar sem öreiga og auðvald, hvernig litið hafi verið á kommúnisaflokkinn, og hvenær síðasti kommúnistinn hafi birst á opinberum vettvangi.
Við lesum valin brot úr Sóvétvininum, í ritstjórn Kristinns E. Andréssonar, fyrrum alþingismaður og meðlimur Sósíalistaflokksins. Hringjum í eldri kynslóðina og spyrjum um hina áberandi, eftirminnilegu og eldrauðu einstaklinga 20.aldarinnar!
Fyrsti lestur úr söguljóðinu Nadeschda eftir J.L. Runeberg, í þýðingu Bjarna Jónssonar frá Vogi. Ritið er gefið út árið 1898 í Reikjavík (prentað Rei! í riti), prentað í prentsmiðjunni Dagskrá, kostnaðarmaður var Sigfús Eymundsson
Sveinn Pálsson ferðaðist víða um land á árunum 1791-1793 og vann að umfangsmikilli skráningu á náttúru Íslands, dýralífi, jarðfræði, atvinnulífi og fleiru ásamt því að safna sýnum hvers kyns. Verkefnið var óraunhæft í umfangi, en andi þessa ungu náttúrufræðings, og síðar læknis, var stórfenglegur.
Kynning á lestri úr gömlum íslenskum ritum meðan á Kórónaveirunni stendur. Tilvalið tækifæri til að hlusta og svo hringja í aldraða ættingja, spjalla um gamlar bækur og heyrum hvað íslenska bókakynslóðin hefur lesið.
